Wordpress монгол ном

WordPress программыг танилцуулах нь
1.1 WordPress программын давуу талууд
1.2 WordPress.org болон WordPress.com, тэдгээрийн ялгаа
1.3 WordPress программыг ашиглан хийх вэб сайтууд
1.4 WordPress вэб сайтын чухал элементүүд

2-р бүлэг
WordPress программыг ажиллуулах
орчинг бүрдүүлэх
2.1 WordPress программыг суулгах аргууд
2.2 WordPress программыг суулгах, ажиллуулах
техникийн шаардлагууд

1-р бүлэг. WordPress программыг танилцуулах нь
1.1 WordPress программын давуу талууд
Үнэгүй программ. WordPress-ийг ашиглахыг хүссэн хүн бүр программын
хамгийн сүүлийн хувилбарыг www.wordpress.org вэб сайтаас ямар ч төлбөр
хийлгүйгээр татан хэрэглэж болно.
Сурахад хялбар. Та вэб сайт бүтээх талаар мэдлэг байхгүй, Агуулах Удирдах
Системтэй ажиллаж байгаагүй ч WordPress программыг богино хугацаанд
сурах боломжтой.
Ашиглахад амархан. WordPress нь Агуулах удирдах системүүд дотроос
хэрэглэхэд хамгийн амархан систем юм. Иймээс та вэб сайтаа чадварлаг
удирдах болно.
Брэнд вэб сайт бүтээх. WordPress программыг суулгаад анх ажиллуулахад
танд энгийн бүтэцтэй вэб сайтыг байгуулж өгнө. Энгийн бүтэцтэй энэ вэб
сайтыг та өөрийн бизнест нийцсэн онцлог дизайнтай брэнд сайт болгон
өөрчлөх бүрэн бололцоотой.
Байнга шинэчлэгддэг систем. WordPress программ нь бусад Агуулга
Удирдах Системүүдтэй харьцуулахад хамгийн хурдацтай хөгжиж байгаа
систем юм. WordPress программын шинээр гарах хувилбарууд нь түүний
ажиллагааг улам боловсронгуй болгосоор байна.
Нэмэгдэл программыг хэрэглэх. Цахим худалдаа ажиллуулах, нээлттэй
хэлэлцүүлэг явуулах, видео оруулах, гишүүн элсүүлэх зэрэг вэб сайтын
ажиллагааг өргөжүүлэхэд хэрэгтэй нэмэлт программууд болох плагинуудыг
өргөнөөр сонгон ашиглах бололцоотой.
WordPress-ийн талаар тусламж авах. Вэб сайтыг найдвартай ажиллуулах,
өргөтгөх, вэбийн админ хэсэг рүү муу хүмүүс нэвтрэхээс хамгаалах зэрэг
олон асуудлуудаар тусламж авах хэрэгтэй бол та ганцаардахгүй. Танд
WordPress-ийн мэргэжилтэн, туршлагатай хэрэглэгч, мэргэжлийн зөвлөгч
нараас тусламж авах үүд байнга нээлттэй байна. Үүнээс гадна WordPress-
ийг ажиллуулах тухай олон тооны ном, сурах бичиг, вэб сайтууд бүтээгдсэн.
Үүний нэг нь WordPress-ийн өөрийнх нь Codex вэб хуудас зүй ёсоор орно.